Unukorno-kaverno
La Unukorno-kaverno ĉe Scharzfeld
Bonvenon en la alia mondo sub la Harco, en la mondo de unukornuloj, kavernaj ursoj kaj neandertaluloj!
Unukorno-kaverno ĉe Scharzfeld
La Unukorno-kaverno ĉe Scharzfeld (Ŝarcfeld) estas natura kaverno en dolomito el la malfrua permia epoko. Tiuj paleozoikaj ŝtonaĵoj aĝas proksimume 270 milionojn da jaroj kaj elgrundiĝas zonforme ĉe la sudokcidenta rando de la Harco. La centmiljara efloresko de la dolomit-ŝtonaĵo kaŭzis la estiĝon de kavernaj strukturoj.
Nuntempe la Unukorno-kaverno estas la plej granda vizitebla kaverno de la okcidenta Harco. Gvidataj vojoj je 365 m kaj ne viziteblaj flankaj galerioj je 192 m rezultas tutan kavernan longon je 557 m. La Unukorno-kaverno estas prizorgata de la subtena societo "Gesellschaft Unicornu fossile e. V." Restoracia kaverno-kabano invitas al restado.
En la sudokcidento de la kaverno, la tiel nomata "Blua Groto", troviĝas du plafon-enfalejoj, la nuntempe solaj naturaj enirejoj al la kaverno.
Al flanka galerio de la Blanka Salono estis fosita mino en 1905. Ekde tiam ĝi estas uzata kiel ĉefa enirejo al la kaverno.
La esploroj ĉirkau la jaro 1900 celis precipe trovon de la "glaciepoka homo". Tio sukcesis nur en 1985, kiam estis trovitaj ŝtoninstrumentoj el la malnova ŝtonepoko. La elfosaĵoj montris, ke antaŭ pli ol 100000 jaroj neandertal-homoj loĝis en la kaverno dum longa tempo.
Dum la fosado estis trovitaj ostorestaĵoj de pli ol 70 bestospecioj. Krom la grandaj kaverno-ursoj, kiuj dum dek miloj da jaroj vivis en la kaverno, temas pri trovaĵoj de rabobestoj kiel lupoj kaj kaverno-leonoj, sed ankaŭ pri malgrandaj mamuloj.
Pliajn informojn vi trovos ĉe www.einhornhoehle.de!
|
zum Seitenanfang